Noticias

  • La Universidá d'Uviéu recibe'l Premiu Especial Marín Gutiérrez Suárez - Duro Felguera

    24 de Febreru 2011

    El rector, Vicente Gotor, recueye'l vienres el galardón concedíu a la institución pol so llabor en favor de la sociedá asturiana y pol llogru del sellu de Campus d'Excelencia Internacional

    La Universidá d'Uviéu recibe'l vienres 25 de febreru'l Premiu Especial Marín Gutiérrez Suárez – Duro Felguera nuna gala que se va celebrar a les 19:00 hores nel Nuevu Teatru de La Felguera. El rector, Vicente Gotor, va recoyer el galardón de la Fundación Marín Gutiérrez Suárez que tien ente los sos fines estremar a persones y entidaes que destaquen pol so trabayu na promoción y progresu de la Contorna del Altu Nalón y d'Asturies.

    La institución académica asturiana foi estremada con unu de los cuatro premios qu'añalmente concede la fundación, creada n'honor al empresariu y filántropu Marín Gutiérrez Suárez, pol llogru del sello Campus d'Excelencia Internacional, ente otros méritos.

    El xuráu destacó na concesión d'esti premiu especial los más de 400 años d'hestoria de la Universidá, nos qu'innumberables personalidaes forxáronse nos sos centros y, que "on la so formación, trabayu y dedicación contribuyeron al desenvolvimientu de pueblos y ciudaes, tantu a nivel local, rexonal, nacional ya internacional". Mientres les deliberaciones, tamién se punxo de relieve'l llabor de la Universidá como fonte de riqueza, progresu, defensa de valores éticos y humanos, concordia y paz. La Universidá recueye esti premiu sobremanera pola consecución del sello Campus d'Excelencia Internacional (CEI) a finales de 2009, y porque "supo apigurar a más de doscientes instituciones, empreses, fundaciones y otres entidaes, xuniendo asina a tola sociedá asturiana en redol a un proyectu de futuru, aprovechando la esperiencia del pasáu y col enfotu de el presente".

    La Fundación va faer entrega tamién del Premiu a los Valores Humanos y Bienestar Social 2010, otorgáu al políticu José María Llavandera a propuesta de l'Asociación de Mayores de -yos Pieces; el Premiu a la Creación, Promoción y Desenvolvimientu 2010, pa la empresa Capgemini, líder en desenvolvimientos informáticos; y el galardón Verdes Valles mineros Asturianos 2010 qu'anguaño recibe l'Asociación Cultural Santiso d'Abres.

Buscar