Noticias

  • La Universidá d'Uviéu entama les III Xornaes Internacionales de Campus Virtuales

    02 de Payares 2011

    Hasta'l 30 de noviembre ta abiertu'l plazu de presentación de trabayos del alcuentru, que se va celebrar los díes 25 y 26 de xineru de 2012. Va poder siguise online, vía streaming.

    La Facultá de Formación del Profesoráu y Educación va ser l'escenariu asturianu de les III Xornaes Internacionales de Campus Virtuales. Un alcuentru nel que diversos especialistes van revisar l'estáu del arte de los campus virtuales españoles ya internacionales, según la evolución probable d'eses canales formatives que yá tán dafechu integraos nes estratexes de bona parte de les instituciones d'educación cimera.

    Va celebrase mientres los díes 25 y 26 de xineru de 2012 y yá tienen abiertu'l so plazu d'inscripción, que remata'l 19 de xineru. Hasta'l próximu 30 de noviembre pueden presentase trabayos que traten sobre temátiques d'interés pa esti alcuentru, ente les que se proponen pola organización, ensin calter escluyente:

    • "Apertura a la sociedá" (repositorios d'oxetos n'abiertu, movilidá virtual, redes sociales y web 2.0, esperiencies…)
    • "Proyección esterior" (redes y cooperación internacional, internacionalización de programes formativos, polítiques de collaboración interinstitucional, campus virtuales compartíos…)
    • "Calidá ya innovación" (calidá en e-learning y b-learning, estándares calidable, polítiques calidable, evaluación de la calidá, formación del profesoráu, formación de técnicos y xestores de docencia virtual, innovación educativa…)
    • "Inxeniería del e-learning y conteníos dixitales" (arquitectures de e-learning, b-learning y m-learning, soluciones p'aules multimedia; sistemes de producción, distribución y publicación de conteníos dixitales, certificación de la calidá del software, evaluación de la usabilidad de les aplicaciones, sistemes y plataformes, esperiencies práctiques, innovaciones tecnolóxiques, llecciones aprendíes…)

    La unviada de les contribuciones va realizase por aciu el sistema d'alministración de conferencies EasyChair. Los arquivos tienen d'unviase en formatu PDF, formateados según la plantiya LNCS de Springer. Los proceedings van ser publicaos nun volume con ISBN.

    Estos alcuentros, que van poder siguise online, vía streaming, van ser continuación de los celebraos en Tenerife (2009) y Granada (2010). Coles mesmes, van constituyir una manera d'estrechar los llazos de cooperación interinstitucional y abrir nueves oportunidaes pa la movilidá virtual, l'afitamientu de redes de cooperación y la internacionalización que favorecen los campus virtuales.

    Enllaces Rellacionaos:


Buscar