Noticias

  • La Universidá d'Uviéu llogra más de 2 millones d'euros nel Programa I+D+i Excelencia

    20 de Payares 2014

    Les 21 investigaciones financiaes na convocatoria de 2013 tomen toles cañes de conocencia

    Una investigadora trabayando n'unu de los llaboratorios de la Universidá d'Uviéu.

    El Ministeriu d'Economía y Competitividá concedió 2.065.204 euros a 21 de los proyectos presentaos por investigadores de la Universidá d'Uviéu al Programa Estatal de Fomentu de la Investigación Científica y Técnica d'Excelencia na so convocatoria de 2013. Esa cantidá cubre'l 52,9 per cientu del global de fondos solicitáu polos grupos d'investigación.

    Les 21 investigaciones financiaes tomen toles cañes de conocencia y toquen árees tan distintes como la filoloxía clásica, la informática, la psicoloxía o la química orgánica ya inorgánica.

    El Programa Estatal de Fomentu de la Investigación Científica y Técnica d'Excelencia ta enfocáu a incentivar la xeneración de conocencies científiques y tecnolóxicos, ensin orientación temática primeramente definida, ya incluyendo la xeneración de conocencia y el desenvolvimientu de tecnoloxíes emerxentes Pretenden contribuyir al afitamientu d'equipos d'investigación y sofitar llínees d'investigación propies, innovadores y prometedores desenvueltes por mozos investigadores que s'incorporen al sistema d'I+D+I.

    La citada convocatoria nacional acaba de resolvese y marca como fecha d'entamu de los proyectu'l 1 de xineru d'anguaño 2014, la mayoría de los trabayos financiaos na Universidá d'Uviéu van rematar n'avientu de 2016, anque dalgunos estenderánse hasta 2017.


Buscar