Noticias

  • La Universidá d'Uviéu llogra'l primer y el segundu premiu del Congresu Nacional de Pediatría pa Estudiantes

    13 de Marzu 2012

    L'equipu defendió dos comunicaciones orales: sobre un programa p'amenorgar el consumu d'alcohol n'estudiantes y sobre una comparancia d'esi vezu ente Asturies y Cantabria.

    Equipu de la Universidá d'Uviéu integráu por María del Pilar Puerta Pérez, Laura Rúa Gonzálvez, Julio César García Rubio, Serafín Málaga Guerrero, Beatriz Portillo Pérez y Álvaro Rivera Rodríguez.

    El Congresu Nacional de Pediatría pa Estudiantes, entamáu pola Facultá de Medicina de la Universidá de Cantabria y celebráu en Santander los pasaos díes 8, 9 y 10 de marzu, estremó a la delegación de la Universidá d'Uviéu con el so primer y segundu premiu.

    La Universidá d'Uviéu tuvo representada nesti congresu pol equipu multidisciplinar compuestu por Beatriz Portillo Pérez, estudiante de Psicoloxía; Maria del Pilar Puerta Pérez, Laura Rúa Gonzálvez, Álvaro Rivera Rodríguez y Julio César García Rubio, estudiantes de Medicina; y so la coordinación del profesor Serafín Málaga Guerrero, catedráticu de Pediatría de la Universidá d'Uviéu.

    L'equipu defendió dos comunicaciones orales que resultaron galardonaes. El primer premiu foi pa la titulada "Efectos de la implementación d'un programa intervencionista p'amenorgar el consumu d'alcohol n'estudiantes asturianos", mientres el segundu correspondió al Estudiu comparativu del consumu d'alcohol n'estudiantes d'Asturies y Cantabria".

    Dambos estudios centráronse n'analizar les resultancies de la Encuesta d'Actitúes y Vezos sobre'l consumu d'alcohol que rellenaron un total de 2.888 estudiantes asturianos y cántabros de 21 centros educativos que collaboraron col proyectu mientres el presente curso académicu.


Buscar