Noticias

  • La Universidá d'Uviéu empecipia'l so periodu de zarru vacacional

    23 de Avientu 2013

    Los centros y servicios alministrativos de la institución van reabrir el xueves, 2 de xineru de 2014. El Rexistru de la Universidá va permanecer abiertu mientres esti periodu y los trámites online van poder faese al traviés de la web

    Felicitación navidiega de la Universidá d'Uviéu

    La Universidá d'Uviéu empecipia'l periodu vacacional col zarru de les sos instalaciones ente los díes 24 d'avientu y 1 de xineru, dambos inclusive. El Rexistru Xeneral de la institución académica, asitiáu na Plaza de Riego, va permanecer abiertu pa garantizar los servicios esenciales pa la comunidá universitaria.

    Coles mesmes, van poder formalizase tolos trámites alministrativos y académicos al traviés de la web de la Universidá, yá que mientres les citaes feches el serviciu d'Informática va funcionar con regularidá. El restu de dependencies y servicios de la Universidá van permanecer zarraos.

    Dientro del paquete de midíes pa llograr una mayor y meyor eficiencia na xestión, la Universidá d'Uviéu aprobó en 2012 una instrucción pa llindar el gastu corriente de la institución estableciendo periodos obligatorios de vacaciones en Selmana Santa, Navidá y el mes d'agostu.


Buscar