Noticias

  • La Universidá d'Uviéu empecipia'l so periodu de zarru vacacional

    23 de Avientu 2014

    Los centros y servicios alministrativos de la institución van permanecer zarraos ente'l 24 d'avientu de 2014 y el 2 de xineru de 2015. El Rexistru Xeneral va siguir abiertu al públicu mientres esti periodu y los trámites online van poder faese al traviés de la web.

    La Universidá d'Uviéu empecipia'l so periodu de zarru vacacional

    La Universidá d'Uviéu empecipia'l periodu vacacional col zarru de les sos instalaciones ente los díes 24 d'avientu y 2 de xineru, dambos inclusive. El Rexistru Xeneral de la institución académica, asitiáu na Plaza de Riego, va permanecer abiertu pa garantizar los servicios esenciales pa la comunidá universitaria, de 9 a 14.00 hores.

    Coles mesmes, van poder formalizase tolos trámites alministrativos y académicos al traviés de la web de la Universidá, yá que mientres les citaes feches el serviciu d'Informática va tener personal de guardia (1). El restu de dependencies y servicios de la Universidá van reabrir el próximu 5 de xineru de 2015.

    Dientro del paquete de midíes pa llograr una mayor y meyor eficiencia na xestión, la Universidá d'Uviéu aprobó en Conseyu de Gobiernu una instrucción pa llindar el gastu corriente de la institución estableciendo periodos obligatorios de vacaciones en Selmana Santa, Navidá y el mes d'agostu.


Buscar