Noticias

  • La Universidá d'Uviéu inaugura los sos Campus Científicos de Branu

    01 de Xunetu 2011

    60 estudiantes de 18 provincies participen na segunda edición d'esti proyectu que'l so principal oxetivu ye averar la ciencia a los mozos.

    La Universidá d'Uviéu va inaugurar el llunes 4 de xunetu la edición 2011 de los Campus Científicos de Branu, un proyectu de la Fundación Española pa la Ciencia y la Tecnoloxía (FECYT) y del Ministeriu d'Educación, enmarcáu nel Campus d'Excelencia Internacional, que pretende averar la ciencia a los mozos y espertar vocaciones científiques.

    La segunda edición d'esta iniciativa na institución académica asturiana va cuntar cola participación de 60 moces de 4º de la ESO y 1º de Bachilleratu procedentes de 18 provincies españoles. Nesta convocatoria, la Oficina de Tresferencia de Resultancies d'Investigación (OTRI) de la Universidá d'Uviéu, responsable de coordinar estos campus científicos, propón a los mozos participantes realizar trabayos de campu y de llaboratoriu en cuatro proyectos distintos:

    • L'home y la tierra: escuela de Xeoloxía.
    • Bases científiques de les investigaciones criminalístiques.
    • La Inxeniería Electrónica na vida cotidiana.
    • El llinguaxe de les célules.

    El programa de Campus Científicos de Branu 2011 ufiertó 1200 places pa estudiantes de cuartu cursu d'Enseñanza Secundaria Obligatoria o primer cursu de Bachilleratu de la área científica. Los Campus van desenvolvese simultáneamente en veinte universidad españoles, dende'l 3 hasta'l 30 de xunetu, en dos veces quincenales.

    Enllaces Rellacionaos:


Buscar