Noticias

  • La Universidá d'Uviéu enllanta un máster universitariu en Psicoloxía Xeneral Sanitaria

    19 de Febreru 2014

    La institución suscribió convenios de collaboración con dellos centros médicos y organizaciones sociales por que los alumnos realicen práctiques clíniques supervisaes

    D'esquierda a derecha, José Ramón Hermida, Marcelino Cuesta, Luis Manuel Flórez, Vicente Gotor, Micaela González-Quirós, Carmen Bermeyu y José Carlos Núñez.

    La Universidá d'Uviéu cerró esta mañana nueves llínees de collaboración por que los alumnos del máster universitariu en Psicoloxía xeneral Sanitaria puedan desenvolver práctiques clíniques supervisaes en  el Centru Médicu, la Clínica San Rafael y Proxecto Home.

    El rector de la Universidá d'Uviéu, Vicente Gotor, robló esta mañana los nuevos convenios de collaboración xuntu colos responsables de los centros sanitarios y organizaciones asistenciales.

    El máster en Psicoloxía xeneral Sanitaria va ser ufiertáu dende'l Centru Internacional de Posgráu de la Universidá y va tener un calter profesionalizante, con un modelu formativu claramente empobináu a la práctica profesional. Les últimes disposiciones llegales publicaes obliguen a que completen el máster aquellos graduaos que quieran exercer como psicólogos clínicos. La nueva titulación de posgráu va empezar a impartise na Universidá d'Uviéu'l cursu que vien. 

    Al actu de firma de los alcuerdos allegaron amás la directora del Centru Internacional de Posgráu, Carmen Bermeyu, el decanu de la Facultá de Psicoloxía, Marcelino Cuesta, el director del Departamentu de Psicoloxía, José Carlos Núñez, Luis Manuel Flórez, director de Proyectu Home Asturies, Micaela González-Quirós, directora médica de la Clínica San Rafael, y José Ramón Hermida, coordinador del máster.


Buscar