Noticias

  • La Universidá d'Uviéu robla'l primer conveniu colectivu del personal llaboral

    12 de Xunetu 2011

    Los sindicatos FETE-UXGT, SIPU y ACUO suscribieron l'alcuerdu col rector, Vicente Gotor.

    Imaxe de la firma
    Tres un llargu procesu de negociación, empecipiáu n'avientu de 2008, la Universidá d'Uviéu acaba de roblar el primer conveniu colectivu del personal llaboral. L'alcuerdu foi suscritu ayeri, 11 de xunetu, polos sindicatos FETE-UGT, SIPU y ACUO. De los 23 miembros de la parte social, el conveniu recibió 17 votos a favor y 6 en contra.

    La firma formalizóse nel despachu oficial del Rectoráu, ente'l rector de la Universidá d'Uviéu, Vicente Gotor, y los representantes sindicales: Daniel Rodríguez (FETE-UGT), Siro Bosque San Emeterio (SIPU) y Rafael Álvarez Rodríguez (ACUO). El conveniu colectivu, el primeru de la Universidá d'Uviéu pal personal llaboral, tendrá de ser ratificáu poles autoridaes competentes, universitaries y autonómiques.

    Con esti nuevu conveniu consíguese actualizar un testu qu'entraba a valir en 1990 pa toles Universidaes del ámbitu de la competencia de l'Alministración Xeneral del Estáu en 1990, y qu'afecta a más de mil trabayadores universitarios.

    Imaxes:


Buscar