Noticias

  • La Universidá d'Uviéu apurre los premios de la décima Olimpiada d'Economía

    15 de Xunu 2016

    Trés estudiantes de los institutos Río Nora, Escultor Juan de Villanueva y Santa Bárbara reciben les distinciones

    Acto de entrega de premios de la Olimpiada de Economía.
    La Universidá d'Uviéu apurrió esti mediudía los premios de la décima Olimpiada d'Economía nun actu celebráu na Sala de Graos de la Facultá d'Economía y Empresa que foi presidíu pol vicerrector d'Organización Académica, Juan José del Coz.
     
    Los trés primeros estudiantes clasificaos fueron, por esti orde: Inés Fonseca Martínez, del IES Ríu Nora, Juan García Vallina, del IES Escultor Juan de Villanueva; y Javier Fernández García del IES Santa Bárbara. Los trés recibieron un ordenador y una aportación de 700, 400 y 250 euros como ayuda pa formalizar la matrícula nel cursu 2016-2017 na Facultá d'Economía y Empresa.
     
    Coles mesmes, los trés centros meyor clasificaos en realizando la media de los trés meyores alumnos de cada unu d'ellos fueron: Colexu Internacional Meres, Colexu Santa Teresa de Jesús, IES Ríu Nora. Cada centru va recibir un ordenador.
     
    L'actu d'entrega de los premios cuntó, ente otres autoridaes, cola presencia del decanu de la Facultá d'Economía y Empresa, Julio Tascón; el decanu presidente del Colexu d'Economistes d'Asturies, Miguel de la Fonte, el director de Marketing y Productos de SabadellHerrero, Eduardo Lasa, en representación  de la Fundación Banco Sabadell, entidá collaboradora; y la directora xeneral de Finances y Economía del Principáu d'Asturies, María del Mar García Salgado. 

    Imaxes:


Buscar