Noticias

  • La Universidá d'Uviéu collabora col Ministeriu de Facienda y Alministraciones Públiques pa fomentar l'usu de los servicios electrónicos ente la comunidá universitaria

    13 de Abril 2012

    Mientres les selmanes entendíes ente'l 16 y el 27 d'abril, la Universidá d'Uviéu va acoyer les acciones de dinamización promovidas pol Ministeriu de Facienda y Alministraciones Públiques y entamaes pola Entidá Pública Empresarial rede.es

    Dicha iniciativa consiste en realizar sesiones de dinamización nes distintes universidaes del país, mientres los meses de marzu a mayu, nes qu'un equipu de dinamizadores formaos, coordinaos y tutelaos especialmente pa esta campaña, van ayudar a sensibilizar a la comunidá universitaria sobre l'usu de los servicios públicos electrónicos por aciu l'usu del DNI electrónicu o cualesquier otru certificáu electrónicu.

    Cabo destacar que nos últimos años realizáronse distintes actuaciones pa fomentar l'usu de l'Alministración electrónica, lo que representa un aforru significativo y una meyora de la productividá y simplificación de los distintos procesos del día ente día pa ciudadanos y empreses.

    Nesti casu, les actuaciones de dinamización van llevarse a cabu nes universidaes con un dinamizador que de manera presencial, proactiva, divulgativa y práctica, va amosar les ventayes del usu de l'Alministración electrónica y de la ufierta de servicios que la mesma universidá tien a disposición de la comunidá universitaria. Como parte de les acciones d'espardimientu, ta previstu realizar la entrega d'un llector de tarxetes intelixentes a los miembros de la comunidá universitaria que participaren na actividá, iniciativa suxeta a disponibilidad y hasta fin d'esistencies, cola cuenta de facilita-yos la realización de los trámites de forma telemática.

    Los stands van tar asitiaos nos siguientes allugamientos:

    • Selmana del 16 al 20 d'abril, nel Campus de Viesques (Xixón): hall del Aulariu Norte.
    • Selmana del 23 al 27 d'abril, nel Campus d'El Cristu (Uviéu):
      • 23, 24 y 25, nel hall de la Facultá d'Economía y Empresa.
      • 26 y 27, na Facultá de Química

    Convidamos a tola comunidá universitaria (estudiantes, PAS y PDI) a allegar a los stands nos díes señalaos, pa conocer les ventayes qu'implica realizar trámites al traviés d'Internet como solicitú de beques y ayudes, matriculación, creación d'empreses, busca d'empléu y munchos más.

    Documentos Rellacionaos:


Buscar