Noticias

  • La Universidá d'Uviéu celebra Santa Catalina cola entrega de los Premios Fin de Carrera a más de 70 titulaos

    24 de Payares 2014

    El rector anima a los mozos a mirar escontra'l futuru con optimismu y plantega como retos fomentar la internacionalización, la movilidá y la collaboración cola empresa

    El rector y el conferenciante posen colos premiaos

    La Universidá d'Uviéu celebró la festividá de la so patrona, Santa Catalina d'Alexandría, cola entrega los premios de Fin de Carrera y Fin de Grau, amás del premiu Cajastur al Meyor Espediente Académicu de la Universidá d'Uviéu, nun actu solemne celebráu na Biblioteca del Edificiu Históricu. El rector, Vicente Gotor, presidió la ceremonia na que recoyeron el so diploma más de setenta estudiantes colos meyores espedientes del pasáu cursu y casi mediu centenar de representantes de les empreses ya instituciones que patrocinen cada unu de los galardones.

    Mientres la so intervención, el rector compartió con el patrocinadores d'estos premios y cola sociedá asturiana'l prestu de la Universidá d'Uviéu por revalidar el sellu del Campus d'Excelencia Internacional. Vicente Gotor dirixir a los titulaos y animó-yos a mirar al futuru ensin medrana. El rector faló de retos pa la institución académica asturiana y apuntó ente otres cuestiones a caminar escontra titulaciones íntegramente n'inglés y a incorporar nuevos dobles graos y titulaciones conxuntes de máster universitariu, amás de fomentar l'usu de nueves tecnoloxíes que faciliten la enseñanza on line, y siguir colos programes de movilidá internacional.

    El rector aludió tamién al cambéu de modelu na relación ente la Universidá y l'empresa y confió en siguir afondando nesta llínea de collaboración. Sicasí, el verdaderu retu, añedió, ye llograr que se reconoza'l valor de la inversión en conocencia".

    Pela so parte, el presidente de DuPont pa España y Portugal, Enrique Macián, foi l'encargáu de pronunciar la conferencia "Cavilgues alrodiu de un procesu d'integración". Mientres la so intervención animó a los mozos a siguir cola so formación y tener esperanza pa remontar la crisis.  

    Imaxes:


Buscar