Noticias

  • La Universidá d'Uviéu avera al públicu los secretos de los astros na Nueche Allunada

    06 de Ochobre 2016

    La institución académica entama'l sábadu, ente les 19:00 y les 23:00 hores, distintes actividaes qu'inclúin una observación astronómica de la Lluna y un paséu nocherniegu pol xardín xeolóxicu

    De izquierda a derecha, Tomás Emilio Díaz, José Ramón Obeso, Roberto Sánchez Ramos, Isabel Ruiz de la Peña, Marcos Suárez, Juan Ramón Bahamonde, José Manuel Fernández Colinas, Norberto Corral y Juan Carlos San Pedro.
    La Universidá d'Uviéu celebra'l sábadu, 8 d'ochobre, una nueva edición de la Nueche Allunada, na que'l públicu va poder conocer de cerca l'astru más próximu a la Tierra, la Lluna, y distintos aspeutos del universu. Una observación astronómica, talleres, charres, cine, esposiciones y un paséu nocherniegu pol xardín xeolóxicu formen parte d'un programa nel que sumaron esfuerzu toos les facultaes de ciencies de la institución académica asturiana.
     
    Les actividaes d'esta sesta edición de la Nueche Allunada van desenvolver ente les 19:00 y les 23:00 hores nes facultaes de Ciencies y Xeoloxía, nel campus de Llamaquique, cola collaboración de los centros de Bioloxía y Química. Mientres esti horariu, si les condiciones meteorolóxiques dexar, el públicu va poder participar nuna observación astronómica de la Lluna y otros oxetos celestes al traviés d'una decena de telescopios instalaos nel xardín sur de la facultá de Ciencies.
     
    Los asistentes que deseyen actividaes al campu tamién pueden optar por un paséu nocherniegu pol xardín xeolóxicu, un percorríu pola hestoria al traviés  de grandes roques del Cordal Cantábricu instalaes nel esterior de la facultá de Xeoloxía. Los paseos van empezar a partir de les 19:15 hores y los visitantes van disponer de llinternes de cascu pa reparar les pieces mientres la nueche.
     
    Los más pequenos, a partir de cinco año, van esfrutar de talleres "Alunizantes" sobre planetes y constelaciones, impartíos por profesionales de la Facultá de Formación del Profesoráu y Educación, y el públicu xeneral va poder asistir a charres sobre l'espaciu, la vida estraterrestre, Marte o les ondes gravitacionales, ente otres temes, ya inclusive empecipiase na astronomía o conocer más sobre meteoritos, al traviés de talleres, esposiciones y un ciclu de documentales allunaos.
     
    Amás de les facultaes de ciencies, entamen esta iniciativa la Unidá de Cultura Científica y d'Innovación (UCC+i) del Vicerrectorado d'Investigación, y l'asociación astronómica Cielos estenos, y cuenta col financiamientu y la collaboración de la Fundación Española pa la Ciencia y la Tecnoloxía (FECYT) y el Conceyu d'Uviéu.
     

Buscar