Noticias

  • La Universidá d'Uviéu abre un períodu estraordinariu de preinscripciones pa los másteres universitarios

    21 de Xunetu 2011

    El nuevu plazu de presentación de solicitúes entiende del 27 de xunetu al de 31 agostu de 2011.

    La Universidá d'Uviéu pon en marcha una nueva convocatoria de preinscripción pa la so ufierta de másteres universitarios. Les persones comenenciudes n'aportar a estos cursos tendrán de tener en cuenta que:

    • Les solicitúes van poder presentase dende'l 27 de xunetu hasta'l 29 d'agostu de 2011.
    • Les llistes provisionales d'almisión se publicarán el 5 de setiembre.
    • Les reclamaciones a la llista provisional d'almitíos van poder realizase'l 6 y 7 de setiembre.
    • La publicación de les llistes definitives va efectuase'l 12 de setiembre.
    • La reserva de plaza va poder solicitase'l 13 y 14 de setiembre
    • A lo último, les matricules van facese del 15 al 20 de setiembre de 2011.

    El nuevu Centru Internacional de Posgráu de la Universidá d'Uviéu empecipió apocayá la so actividá con un catálogu de másteres universitarios pal próximu cursu nos que, per primer vegada, participen cerca de 250 empreses ya instituciones. L'anovada ufierta de posgraos nel marcu del Campus d'Excelencia Internacional inclúi másteres internacionales –ente ellos trés Erasmus Mundus- con 15 universidaes europees en 11 países, y socios en terceros países, principalmente n'América.

    Nos másteres interuniversitarios, la Universidá ufierta 8 programes en collaboración con 13 universidaes españoles, ente que nos másteres académicu-profesionalizantes ta previstu impartir 29 programes, de los que 23 cunten cola participación de cerca de 250 instituciones y empreses, que collaboren en docencia, ufierta de práctiques a los alumnos y cotutela de trabayos de fin de máster. Amás, el nuevu catálogu ufierta trés dobles titulaciones con universidaes de Francia y 17 programes con enseñanza billingüe (cuatro impartense íntegramente n'inglés). Con calter xeneral, estos estudios tienen una estensión mínima de 60 creitos ECTS (un cursu académicu a tiempu completu) y una máxima de 120 ECTS (dos cursos académicos a tiempu completu).


Buscar