Noticias

  • La Universidá d'Uviéu abre'l periodu de solicitú de plaza en graos con llende d'almisión

    12 de Xunu 2015

    Los estudiantes van poder formalizar la so solicitú de plaza nestos estudios del 15 de xunu al 3 de xunetu y la primer llista d'almitíos va publicase'l 9 de xunetu

    Los alumnos que deseyen solicitar plaza en dalgún de los estudios de grau con llende d'almisión van poder faelo dende güei llunes, 15 de xunu, hasta'l próximu 3 de xunetu.

    Los alumnos que deseyen solicitar plaza en dalgún de los estudios de grau con llende d'almisión van poder faelo dende güei llunes, 15 de xunu, hasta'l próximu 3 de xunetu. La primer llista d'almitíos va publicase'l 9 de xunetu y el periodu de matrícula va abrir ente'l 9 y el 14 de xunetu. Aquellos estudiantes que deseyen presentar una reclamación sobre la primer llista d'almitíos van poder faelo ente los díes 9 y 14 de xunetu.

    Solicitú de plaza en graos con llende d'almisión

    El plazu de matrícula p'aquellos alumnos que vaigan cursar un grau ensin llende d'almisión (con almisión directa) o siguir estudios yá empecipiaos va abrise'l 1 de xunetu y va enllargase hasta'l 21 d'agostu.

    La Universidá d'Uviéu va ufiertar el próximu cursu un total de 24 estudios de grau y doble graos con llende d'almisión pa estudiantes de nuevu ingresu. Na Universidá d'Uviéu, cada estudiante puede solicitase plaza hasta en doce estudio con llende d'almisión que tendrá de ordenar en función de los sos intereses. Les places van asignar por nota d'almisión y orde de preferencia nel llistáu de solicitú.

    Nel casu de los estudiantes en posesión de la credencial expedida pola UNED, procedentes d'un sistema educativu d'un país miembru de la UE, Suiza o China que deseyen cursar un grau con llende d'almisión, el plazu de solicitú de plaza va concluyir el 13 de xunetu.


Buscar