Noticias

  • La Universidá concede los premios de fotografía "Visiona"

    15 de Xineru 2013

    El concursu, convocáu nel marcu de la XII Selmana de la Ciencia y la Tecnoloxía, xiró en redol a la tema "2012, Añu de la Enerxía Sostenible"

    Cartelu del certame

    David Riera y José Miguel Bernardo fueron el ganadores del Concursu de Fotografía "Visiona", nes categoríes d'hasta 18 años y a partir de dicha edá, respectivamente, por fotografiar "Horizonte de molinos" y "Non Oil". La tema d'esta edición del certame foi "2012, Añu de la Enerxía Sostenible". Les imaxes galardonaes traten del respetu al mediu ambiente, representáu poles enerxíes anovables (en concretu, los molinos d'un parque eólicu) y la bicicleta como mediu de tresporte.

    Tamién la enerxía eólica ye la protagonista de les segundes fotografíes clasificaes, que fueron obra de Laura Valdés (na categoría d'hasta 18 años) y de David Abassi. Amás del diploma correspondiente, los primeres clasificaos de dambes categoríes tienen como premio una tablet, y los segundos un iPod. En total, compitieron 131 fotografíes. "Visiona" ye una iniciativa del Campus d'Excelencia Internacional y la OTRI que ta abierta a la participación de tolos asturianos.

    Imaxes:


Buscar