Noticias

  • La Universidá va sofitar a les pequenes empreses asturianes en procesos de internacionalización

    14 de Ochobre 2011

    Un equipu de 28 estudiantes va asesorar a les micropymes asturianes y van estudiar la so potencial espansión internacional

    El rector, flanqueado por el director de Empleabilidad y el vicerrector de Estudiantes

    La Universidá d'Uviéu va poner en marcha un plan p'aguiyar la cultura entamadora y sofitar a les pequenes empreses asturianes nel procesu de internacionalización. El proyectu "Coaching d'universitarios pa la implantación de les TIC en procesos de emprendimiento internacional de micropymes asturianes" (ESTINCOACHING) foi aprobáu na convocatoria Entamamos Xuntos del Ministeriu d'Industria y Turismu, y presentáu esta mañana pol rector, Vicente Gotor; el vicerrector d'Estudiantes, Luis Rodríguez Muñiz; y el director d'área d'Empleabilidá, Guillermo Pérez-Bustamante.

    Con esti proyectu, pretende desenvolvese capacidaes y habilidaes de los estudiantes y titulaos pa encarar actividaes de emprendimiento, nesti casu con una marcada perspectiva internacionalizadora. Tres un curtiu periodu de formación n'árees rellacionaes cola xestión del comerciu esterior y la comercialización por aciu web que se va desenvolver ente ochobre y noviembre, 28 estudiantes van realizar n'equipu una actividá de sofitu a la internacionalización de micro-pymes asturianes xeneradores de productos d'altu valor añedíu al traviés de procesos de consultoría.

    Esta iniciativa de la área d'Empleabilidá del Vicerrectorado d'Estudiantes y Empléu supon un acercamientu de la Universidá d'Uviéu al texíu microempresarial asturianu por aciu el sofitu d'esta institución a la detección de la so potencial espansión internacional y del sofitu nes empreses per mediu de la comercialización vía web.

    El proyectu atiende a la doble aguada d'aguiyar la cultura entamadora y l'empleabilidá y, al empar, la internacionalización, exes que formen parte del Campus d'Excelencia Internacional.

    El presupuestu global del programa ye de 65.875 euros, de los cualos el 60% son apurríos pol Ministeriu y el 40% restante de la execución del programa de Fomentu de la cultura entamadora del Principáu d'Asturies: Universidá d'Uviéu. La solicitú de participación nel programa per parte d'estudiantes y empreses puede realizase al traviés de la web www.uniovi.net/empleabilidá

    Enllaces Rellacionaos:


Buscar