Noticias

  • La Universidá abre un plazu de preinscripción en 21 másteres universitarios con places vacantes

    26 de Agostu 2014

    Los alumnos que deseyen cursar estos estudios de posgráu tendrán de formalizar la so solicitú hasta'l 1 de setiembre. Les llistes d'almitíos van publicase'l 5 de setiembre

    Les persones comenenciudes en cursar un máster universitariu'l próximu cursu académicu 2014-2015 na Universidá d'Uviéu inda pueden preinscribirse nun total de 21 programes pa los qu'esisten places vacantes. Los alumnos tendrán de formalizar la so solicitú de plaza online hasta'l 1 de setiembre. Les llistes definitives d'almitíos van publicase'l 5 de setiembre, y la reserva de plaza tien d'efectuase los díes 9 y 10 de setiembre. Pela so parte, la matrícula va llevar a cabu los díes 11 y 12 de setiembre.

    La Universidá d'Uviéu dispon d'un ampliu catálogu de másteres universitarios, que completen los programes afechos al Espaciu Européu d'Educación Cimera y contribúin a la capacitación pal futuru profesional. El Centru Internacional de Posgráu (CIP) coordina tola ufierta de másteres universitarios, qu'inclúi títulos dobles con universidaes estranxeres, programes con docencia billingüe y académicu-profesionalizantes, nos que collaboren numberoses empreses ya instituciones.


Buscar