Noticias

  • La Universidá abre'l periodu de preinscripción n'estudios de doctoráu

    01 de Xunu 2015

    Los comenenciudos en solicitar plaza en dalgún de los 25 programes van poder faer el trámite 'online' hasta'l 15 de xunu

    Casi mediu millar d'estudiantes cursen na actualidá un programa de doctoráu na Universidá d'Uviéu.

    La Universidá d'Uviéu abrió'l plazu de preinscripción n'estudios de doctoráu pal próximu cursu. Los comenenciudos van poder solicitar la so plaza hasta'l próximu 15 de xunu realizando'l trámite online. El Centru Internacional de Posgráu ufierta un total de 25 programes de doctoráu que tomen toles cañes de conocencia y tán dafechu anovaos y afechos n'Espaciu Européu d'Educación Cimera. Ente les novedaes del cursu 2015-2016 ta la implantación d'un nuevu Programa de Doctoráu n'Inxeniería Náutica, Marina y Radioelectrónica Naval.

    Casi mediu millar d'estudiantes cursen na actualidá un programa de doctoráu na Universidá d'Uviéu. En cerrando'l periodu de preinscripción el próximu 15 de xunu, la llista provisional d'almitíos va faese pública'l 7 de xunetu y, tres el correspondiente, plazu de reclamaciones, la llista definitiva d'almitíos va dar a conocer el 21 de xunetu. Finalmente, tolos alumnos almitíos van tener que formalizar la so matrícula ente'l 24 d'agostu y el 4 de setiembre.

    Dende'l 1 de xunu tamién ta abierta la preinscripción en títulos propios y formación continua pal próximu cursu, qu'inclúi títulos propios de máster, títulos d'espertu, d'especialista y cursos de formación continua.


Buscar