Noticias

  • La revista Psicothema, segunda publicación científica n'español con mayor impactu según Google Scholar Metrics

    05 de Xunu 2012

    La Facultá de Psicoloxía de la Universidá d'Uviéu y el Colexu Oficial de Psicólogos del Principáu d'Asturies publiquen esta prestixosa revista, que yá ta incluyida nes bases de datos nacionales ya internacionales más relevantes

    La nueva ferramienta de Google pa conocer l'impactu de les revistes académiques, Google Scholar Metrics, asitia a Psicothema nel segundu puestu de les publicaciones académiques en llingua española de too el mundu. Psicothema foi fundada en 1989 y ta dirixida pol catedráticu de Psicometría na Universidá d'Uviéu José Muñiz. De la so edición encárguense conjuntamente la Facultá de Psicoloxía de dicha institución y el Colexu Oficial de Psicólogos del Principáu d'Asturies. Ta incluyida nes bases de datos nacionales ya internacionales más relevantes, ente les que cabo destacar Psychological Abstracts, Current Contents y MEDLINE/Index Medicus. Coles mesmes, figura nes llistes de factor d'impactu ellaboraes pol prestixosu Institute for Scientific Information.

    Psicothema defínese como una revista "abierta a cualquier enfoque o orientación psicolóxica que venga respondida por pola fuerza de los datos y los argumentos". El so conteníu ta a disposición de cualquier usuariu o institución ensin cargu dalgunu. Los usuarios pueden lleer, descargar y distribuyir los testos completos ensin pidir permisu previu al editor o al autor, siempres y cuando la fonte orixinal sía referenciada.

    La ferramienta Google Scholar Metrics dexa conocer fácilmente la visibilidá y l'influencia de los artículos académicos más recién. La busca apurre'l llistáu de les 100 primeres revistes científiques en delles llingües, ordenaes según el llamáu índiz h, o índiz de Hirsch, que se basa nel númberu de cites que tuvieron los sos artículos n'otres revistes destacaes.

    Enllaces Rellacionaos:


Buscar