Noticias

  • La Federación de Coros d'Asturies estrema al Coru Universitariu con unu de los sos galardones

    27 de Febreru 2014

    El xuráu destaca'l nivel artísticu calteníu pola formación coral a lo llargo de la so dilatada trayectoria, que s'empecipió a principios del sieglu XX

    El Coru Universitariu mientres un recital na capiya del Edificiu Históricu.

    La Federación de Coros d'Asturies (Fecora) concedió unu de los premios Axuntábanse al Coru Universitariu. El galardón reconoz l'esfuerzu por realzar el papel desempeñáu por persones ya instituciones na defensa, divulgación y sofitu a l'actividá coral nel Principáu.

    L'acta del xuráu que concedió los galardones destaca que'l Coru Universitariu "caltuvo una trayectoria con un nivel artísticu reconocíu a lo llargo de caúna de les etapes de la so esistencia, que data de principios del sieglu pasáu". Xuntu al coru de la Universidá d'Uviéu fueron estremáu na edición 2013 de los premios Axuntábanse el coru infantil Pecar del Llión d'Oru y el críticu y comunicador José Gonzalo Fernández Mieres.

    El Coru Universitariu actúa en tolos actos solemnes de la Universidá d'Uviéu, amás d'ufiertar recitales esternos. Dientro de les sos actuaciones tamién s'inclúi la xira Más allá de la Y na que visiten diverses localidaes asturianes p'averar la música coral al gran públicu.


Buscar