Noticias

  • La Facultá de Filosofía y Lletres celebra la so Selmana Cultural con una programación interdisciplinar y enriquecedora

    13 de Abril 2012

    Ente'l 16 y el 20 d'abril, van ufiertar documentales, música, conferencies, talleres, presentaciones, meses redondes y hasta un partíu de baloncestu.

    Cartelu de la I Selmana Cultural de la Facultá de Filosofía y Lletres

    Col enfotu de ampliar los horizontes intelectual y creativu del alumnáu, dar oportunidá d'averase a nueves esperiencies enriquecedores y fomentar un diálogu interdisciplinar que ponga de relieve l'aportación de les Humanidaes a la conocencia del mundu actual, la Facultá de Filosofía y Lletres preparó un completu programa d'actividaes pa la so I Selmana Cultural.

    El llunes, 16 d'abril, a les 10:00 h, va celebrase la inauguración d'una programación qu'inclúi talleres d'escritura, cerámica, improvisación musical; proyección de documentales, conciertos, meses redondes, esposiciones y hasta un partíu de baloncestu ente profesoráu y alumnáu.

    Los finxos principales del programa son los siguientes:

    • Llunes, 16 d'abril:
      • Presentación, proyección y coloquiu del documental "Les Constituyentes" (Oliva Acosta, 2011).
      • Taller d'escritura creativo (Ismael Piñera Tarque) y Taller d'improvisación musical (Adolfo Reisin).
    • Martes, 17 d'abril:
      • Inauguración de la esposición "Tempus Barbaricum" y posterior conferencia del profesor Francisco José Moreno Arrastio sobre la mesma.
      • Proyección de curtios y entrega de premios del concursu.
      • Conciertu d'El patiu de la mio casa.
      • Taller de cerámica artística (Manuel Cimadevilla).
    • Miércoles, 18 d'abril:
      • Presentación del Diccionariu críticu de directores europees" y proyección de la película "La souriante Madame Beudet".
      • Taller d'escritura creativo (Ismael Piñera Tarque) y Taller d'improvisación musical (Rebeca Velasco, Alejandro Lafuente y Xaime Arias).
    • Xueves, 19 d'abril:
      • Conciertu de Felpeyu.
      • Taller de cerámica artística (Manuel Cimadevilla).
    • Vienres, 20 d'abril:
      • Mesa redonda: "¿Miembros y miembras, médicos y médiques? Llinguaxe sexista, ¿ye o nun ye?".
      • Partíu de baloncestu ente profesores y alumnos/es.

    Tolos detalles d'horarios y allugamientos previstos pa les actividaes pueden consultase nel programa axuntu.

    Documentos Rellacionaos:


Buscar