Noticias

  • La Facultá de Filosofía y Lletres analiza'l venceyu ente llingües minoritaries y la música

    28 de Payares 2012

    La xornada, que se va desenvolver el próximu vienres, entamase en collaboración col Liet International Festival

    Imaxen del festival Liet

    La Facultá de Filosofía y Lletres de la Universidá d'Uviéu va acoyer el próximu vienres la xornada titulada Les llingues minoritaries n'Europa. La música y la cultura como elementu recuperador. Una cita entamada por cuenta de la X edición del Liet International Festival, que se va desenvolver en Xixón a otru día.

    La conseyera d'Educación, Cultura y Deporte, Ana Isabel González, y la decana de la Facultá de Filosofía y Lletres, Cristina Valdés van ser les encargaes d'inaugurar un alcuentru que se va desenvolver nel salón d'actos de la Biblioteca d'Humanidaes.

    Les ponencies previstes van detenese sobre aspeutos claves pa les llingües minoritaries como'l desenvolvimientu de la cultura y la música tradicionales en distintos países europeos o les ferramientes llegales que normativizan distintes llingües minoritaries.

    La Universidá d'Uviéu collabora cola dirección xeneral de Política Llingüística del Principáu y el Liet International Festival na programación d'unos actos que se van cerrar cola actuación musical de Brian Ó hEadhara.


Buscar