Noticias

  • La Escuela de Mines sopelexa los sos saberes nel XXIII Certame de Minerales, Xemes y Fósiles

    14 de Marzu 2012

    El concursu de bateo d'oru y les esposiciones centren les actividaes del alcuentru, que se va celebrar ente los díes 16 y 18 de marzu.

    Una imaxe de la esposición del certame del pasáu añu

    Fin de selmana de máxima actividá na Escuela de Mines de la Universidá d'Uviéu, qu'abre les sos puertes, dende'l 16 y hasta el 18 de marzu, pa celebrar el XXIII Certame de Minerales Xemes y Fósiles. Con un programa qu'ufierta esposiciones, visites empuestes y un, yá tradicional, concursu de bateo d'oru.

    Una de les actividaes principales del certame ye la esposición de colecciones de minerales, cola posibilidá d'alquisición de delles de les pieces. Paralelamente, van desenvolvese visites de grupos escolares a la esposición.

    Va Haber tamién una amuesa de maquetes d'instalaciones de xeneración d'enerxíes anovables. Tamién podrán realizase visites empuestes al Centru Européu de Xemoloxía y Xoyería, onde se formen los xemólogos y diseñadores de xoyes.

    El sábadu 17 va realizase un taller de iniciación al bateo d'oru que va sirvir como preparación al concursu que se va celebrar a otru día. Na mañana del domingu desenvolveránse les fases de clasificación, ente les 11 y les 14 hores. Pela tarde, van llegar les fases finales, de 17 a 19 hores.

    La inscripción pal concursu puede realizase per teléfonu (985 104 255), per carta o personalmente, na mesma Escuela (C/Independencia, 13, Uviéu). Toles esposiciones y actividaes citaes tienen calter gratuitu.


Buscar