Noticias

  • Xornaes sobre Cultura Científica y de la Innovación

    08 de Abril 2011

    Díes 11 y 12 d'abril, na Sala de Conferencies del Edificiu Principal del Parque Científico y Tecnolóxico de Xixón.

    Cartel de les xornaes
    Entamaes poles universidaes d'Uviéu y de Salamanca, les xornaes tienen como oxetivu crear un espaciu de reflexón sobre la investigación científica y el desenvolvimientu tecnolóxicu, amás l'interés social pola ciencia, el consumu de conteníos científicos ente los ciudadanos y el respaldu social a la inversión pública n'I+D+i. Especial relevancia tien nos alcuentros la sensibilización sobre la importancia de la conocencia na meyora de la competitividá empresarial y el fomentu de rellacionar universidá-empresa.

    Les xornaes presentaránse'l llunes, 11 d'abril, a les 16,30 hores, cola asistencia de Santiago García Granda, vicerrector d'Investigación, Santiago Martínez Arguelles, conceyal del Ayuntamientu de Xixón, Miguel Ángel Quintanilla y José Antonio López, del Master Oficial n'Estudios Sociales de la Ciencia.

    Ente los ponentes figuren José Luis Pérez Salinas, subdireutor xeneral de Tresferencies y Valorización de la Conocencia del Ministeriu de Ciencia ya Innovación que va falar sobre "La estratexa estatal d'innovación y el Plan Innovación 2011"; Emilio Muñoz, profesor d'investigación nel Conseyu Cimeru d'Investigaciones Científiques y Coordinador de la Unidá d'Investigación en Cultura Científica del Centru d'Investigaciones Enerxétiques Medioambientales y Tecnolóxiques, va disertar sobre "Cultura, innovación, emprendimiento, ética: a la busca con sentíu de la sensibilidá social"; Miguel Ángel Quintanilla, catedráticu de Lóxica y Filosofía de la ciencia na Universidá de Salamanca y director del Institutu Universitariu de la Ciencia y la Tecnoloxía, va dar una conferencia sobre "Ciencia y cultura científica"; y Javier Echeverría, investigador de la Fundación Ikerbasque nel Departamentu de Socioloxía de la Universidá del País Vascu va esplicar "Cómo promover la cultura de la innovación".

    Documentos Rellacionaos:


Buscar