Noticias

  • Xornaes d'alderique "La integración europea: lluces y solombres"

    Del 31/03/2011 al 01/04/2011

    Xueves, 31 de marzu y vienres, 1 d'abril, diversos especialistes van encetar l'impactu de la integración na UE.

    Europarlamentarios, miembros de la judicatura, representantes de colexos profesionales, delegaos de los sindicatos y profesores universitarios van esbillar distintes perspectives sobre'l procesu d'integración europea y les sos consecuencies nes xornaes d'alderique "La integración europea: lluces y solombres", que van tener llugar nel Edificiu Históricu de la Universidá d'Uviéu, los próximos díes 31 de marzu y 1 d'abril.

    L'oxetivu de les Xornaes ye sensibilizar sobre l'impactu que'l procesu d'integración tuvo nel desenvolvimientu de los Estaos miembros polo xeneral y d'España y Asturies en particular. Ye una actividá que s'enmarca nel proyectu "¿Europa?", financiáu pol programa Jean Monnet 2010.

    Paralelamente a les meses d'alderique, prevese la participación de mozos investigadores comenenciudos en presentar comunicaciones rellacionaes coles temes oxeto de discutiniu, que van poder ser incluyíes na publicación de les xornaes, una vegada evaluaes pol Comité Científicu. L'alumnáu de la Universidá d'Uviéu qu'asista a les sesiones va poder solicitar homologación de creitos de llibre configuración.

    Documentos Rellacionaos:

    Enllaces Rellacionaos:


Buscar