Noticias

  • Los estudiantes Jaime Martínez y Diego Álvarez ganen el Concursu Lliterariu Universidá d'Uviéu

    13 de Xunu 2012

    El galardón consiste en 1.000 euros pa cada categoría –poesía y relatu curtiu– y la publicación de les obres premiaes

    Los uvieinos Jaime Martínez (1993) y Diego Álvarez (1990) resultaron ganadores de la segunda edición del Concursu Lliterariu Universidá d'Uviéu. El primeru d'ellos llogró'l galardón na modalidá de poesía pol llibru Onde canta la culiebra, y tamién na modalidá de relatu curtiu, pos ye autor al pie de Diego Álvarez de les narraciones premiaes, Los trés mil cuento de Marcelino Tongo. Dambos llibros van ser publicaos pola Universidá nos próximos meses, na colección inaugurada'l pasáu añu coles obres ganadores del primer concursu.

    Jaime Martínez ye músicu y estudiante del Grau en Llingua Española y les sos Lliteratures. Pela so parte, Diego Álvarez estudia Inxeniería de Telecomunicaciones y ganó apocayá'l Premiu Gloria Fuertes de Poesía Nueva. Ente los sos referentes lliterarios, dambos reconocen a Jorge Luis Borges –tantu en poesía como en prosa–, Julio Cortázar y Ángel González.

    El xuráu del Concursu Lliterariu Universidá d'Uviéu tuvo compuestu, nesta ocasión, por Eduardo San José, Javier García, Leopoldo Sánchez Torre y, como presidente, Vicente Domínguez, vicerrector d'Estensión Universitaria y Comunicación. El vicerrector destacó la unanimidá ente los miembros del xuráu respectu a la reconocencia del altu nivel de los orixinales presentaos, y a la opinión compartida de que munchos de los llibros tendríen de probar fortuna n'otros premios lliterarios, a la vista de la calidá de los mesmos.

    El Vicerrectorado d'Estensión Universitaria y Comunicación promueve esti concursu col fin de fomentar la creación lliteraria ente los estudiantes d'esta universidá. Amás de la publicación de les obres premiaes, cuenta con una dotación económica de 1.000 euros pa cada categoría.


Buscar