Noticias

  • Investigadores internacionales rastrexen l'ecu de la Guerra de la Independencia española na poesía europea

    12 de Marzu 2014

    El proyectu, coordináu por espertos de la Universidá d'Uviéu, alcontró más de 600 referencies d'autores ingleses, franceses, portugueses y alemanes qu'escribieron sobre la guerra contra la tropes napoleóniques

    D'esquierda a derecha, el profesores Peralta, Laspra, Coletes, Cáceres Würsig y Dufour.

    La guerra de la Independencia española al traviés de los versos y sol prisma d'autores estranxeros. Investigadores de la Universidá d'Uviéu coordinen un equipu internacional que ta recuperando testimonios lliterarios qu'aprucieron n'Europa a cerca de la guerra española contra les tropes napoleóniques. Coincidiendo col bicentenariu de la guerra de la Independencia, los espertos van rematar el so trabayu cola edición de cuatro antología billingües que recueyan les aportaciones lliteraries qu'esi episodiu xeneró ente autores ingleses, franceses, portugueses y alemanes. Nengún otru episodiu de la hestoria española, sacante la guerra civil, foi sometíu a un estudiu d'estes característiques.

    El catedráticu de Filoloxía Inglesa de la Universidá d'Uviéu, Agustín Coletes Blanco, ta al mandu de un equipu multidisciplinar compuestos por espertos de cinco universidad franceses, alemanes y españoles. Hasta'l momentu el investigadores rastrexaron más de 600 referencies de poesíes escrites nestos cuatro llingües sobre la Guerra de la Independencia española, centrándose naquelles, la inmensa mayoría que se manifiesten a favor de la causa patriótica ganando asina adeptos ente les opinión pública europea. Pa recuperar los testos, el investigadores desenvolvieron una refecha busca ente fontes tan heterogéneas como la prensa de la dómina, cancioneros tradicionales, publicaciones clandestines o fiches de la policía napoleónica.

    El proyectu Otres llingües, otres armes: poesía proespañola inglesa, portuguesa, francesa y alemana de la Guerra de la Independencia (1808-14). Edición, traducción y estudiu, financiáu pol Ministeriu d'Economía y Competitividá, desenvuelve amás un refechu rexistru dixital con toles referencies atopaes polos investigadores. Tol material ta colgáu n'abiertu pa la so llibre consulta en .

    La poesía como arma de guerra

    La Guerra de la Independencia n'España supunxo un acontecimientu clave nun complexu escenariu políticu européu, d'ende que la poesía propagandística adquiriera una especial relevancia. El trabayu desenvueltu polos investigadores internacionales va rematar cola edición de cuatro antología billingües que van recoyer los testimonios más significativos. La primera de les antoloxíes, qu'arrexunta la sección d'inglesa del proyectu, acaba de ser publicada pola editorial Espasa, col patrociniu de la Fundación Dos de Mayu, sol títulu Llibertái frente a Tiranía: Poesía inglesa de la Guerra de la Independencia (1808-1814). Antoloxía billingüe. La Universidá d'Uviéu va ocupar de l'antoloxía alemana, que va ser la segunda en salir.

    Los testos de los poetes d'espresión inglesa revelen una poesía totalmente partisana y ensin nenguna allabancia escontra la figura de Napoleón", esplica'l profesor Coletes. El respaldu de los británicos a la independencia española resulta prácticamente unánime y bultable na so lliteratura. El casu de la poesía francesa resulta especialmente singular, una y bones frente a los testos qu'emponderen l'imperiu napoleónicu surde una lliteratura bien crítica impulsada polos partidarios de los borbones exiliados en Londres mientres el reináu de Napoleón.

    Los poetes portugueses eponderen episodios heroicos como los del 2 de mayu y eponderen la llucha de el españoles pola so llibertá. Nuna temprana forma de ‘iberismo', otros poemes manifiéstense a favor de la unión ente dambes corones na figura de la infanta Carlota. Finalmente, la poesía de les tierres de fala alemana tamién ye proespañola, aludiendo de manera constante a los sos propios deseos de llibertá respecto al réxime napoleónicu y, curiosamente, poniendo a Cervantes, escritor y soldáu, como exemplu a siguir. 

    Forno investigador

    • Agustín Coletes Blanco (Universidá d'Uviéu)
    • Alicia Laspra Rodríguez (Universidá d'Uviéu)
    • Gabriela Gândara Terenas (Universidade Nova de Lisboa)
    • Beatriz Peralta García (Universidá d'Uviéu)
    • Gérard Dufour (Aix-Marseille Université)
    • Dolores Bermúdez Medina (Universidá de Cádiz)
    • Remedios Solanu Rodríguez (Escuela Cimera de Vallendar, Alemaña)
    • Ingrid Cáceres Würsig (Universidá de Alcalá de Henares)

Buscar