Noticias

  • La Universidá apurre les sos insinies d'Oru y Plata a profesores y personal d'alministración y servicios xubilaos

    24 de Xunu 2011

    Más de 80 miembros de la comunidá universitaria reciben la reconocencia a los sos años de dedicación a la institución académica

    El rector, con profesores y personal universitariu distinguíos coles insinies
    La Universidá d'Uviéu fixo entrega de les insinies d'oru y de plata de la institución académica a los profesores y personal d'alministración y servicios xubilaos esti cursu. El rector, Vicente Gotor, presidió l'actu, que sirvió d'homenaxe a más d'ochenta miembros de la institución académica pola so trayectoria universitaria.

    Les insinies a títulu póstumu reconocieron anguaño'l llabor y dedicación de Juan Antonio Fernández-Tresguerres, profesor de Prehistoria y doctor n'Arqueoloxía, y Carmen Arias Secades, miembru del personal d'alministración y servicios, finaos mientres el presente curso. El rector señaló qu'el so pasu pola Universidá d'Uviéu nun va cayer nel olvidu, "porque equí dexaron a compañeros, colegues y discípulos que van caltener vivu la so alcordanza".

    Cerca de 60 profesores y miembros del PAS recibieron la insinia d'oru polos servicios emprestaos a lo llargo de más de 35 años de trayectoria universitaria, ente que la insinia de plata foi recoyida por 23 profesores y PAS por más de 25 años de trabayu. El rector estimó a toos la so dedicación a la Universidá d'Uviéu, y recordólos que la Universidá ye primero de too un estilu de vida, una manera de ver les coses y que "l'auténticu universitariu enxamás se xubila", porque "unu ye universitariu pa tola vida".

Buscar