Noticias

  • II Xornada d'Empléu y Entamadores de la Facultá de Filosofía y Lletres

    19 de Marzu 2012

    Actividá que se va desenvolver el 22 de marzu y qu'escuerre la meyora de les perspectives d'empléu de los sos egresados, al traviés de la orientación llaboral.

    Cartelu de la Xornada

    Orientación llaboral y conocencia de la realidá empresarial como estratexes pa encarar la busca de trabayu, en rematando los estudios: son les idees centrales qu'inspiren la II Xornada d'Empléu y Entamadores de la Facultá de Filosofía y Lletres, que se va celebrar el próximu 22 de marzu nel Campus d'Humanidaes (Uviéu).

    Anque la finalidá de la Universidá sía la de crear y tresmitir conocencia, la institución tamién quier ameyorar les perspectives d'empléu de los sos egresados. La percepción xeneral ye que les titulaciones de Filosofía, Filoloxía, Xeografía, Hestoria, Hestoria del Arte y Hestoria y Ciencies de la Música tienen un difícil insertamientu llaboral. Una imaxe contra la que se propón la formación nes mañes y habilidaes valoraes pol mercáu llaboral.

    Na edición d'anguaño y sol títulu "Innovación y Creatividá pal Empléu y Emprendimiento dende les Humanidaes desenvolveránse una conferencia del espertu en emprendimiento, José Mauel Pérez Díaz "Pericles"; una mesa redonda posterior con especialistes y entamadores de diversos ámbitos profesionales; y el taller denomináu "Anovar pa crear empreses nel campu de les Humanidaes".

    Documentos Rellacionaos:


Buscar