Noticias

  • Guía del Doctorandu de la Universidá d'Uviéu

    02 de Abril 2012

    Una publicación d'interés pal alumnáu qu'apuerta o cursa los programes de doctoráu, disponible na web del Centru Internacional de Posgráu.

    Portada de la Guía del Doctorandu

    El Centru Internacional de Posgráu (CIP) dio a conocer la Guía del Doctorandu, una publicación que compendia tolos aspeutos relativos a los estudios de doctoráu na Universidá d'Uviéu.

    Ta pensada pal alumnáu que deseye empecipiar o yá tea cursando esi nivel d'estudios, conforme a la regulación del R.D. 1393/2007, pero tamién contien informaciones útiles pa doctorandos suxetos a normatives anteriores.

    A lo llargo de les sos páxines detállase la ufierta de programes de doctoráu de la Universidá d'Uviéu, los órganos académicos y alministrativos encargaos de la so xestión, requisitos d'accesu, desenvolvimientu de los estudios y de la tesis doctoral, beques pre y postdoctorales ya información d'interés polo xeneral sobre la titulación de doctor.

    La Guía puede descargase en formatu PDF dende la páxina web correspondiente al Centru Internacional de Posgráu.


Buscar