Noticias

  • "Una mirada solidaria escontra Benín"

    Del 01/02/2011 al 15/02/2011

    Claustru Altu del Edificiu Históricu.
    Horariu de visites:
    Llunes a vienres: de 9:00 h a 21:00 h.
    Sábados: de 10:00 h. a 13:00 h.

    Benin

    Solidaridá con Benin ye una organización que naz como asociación y conviértese en ONG col propósitu de collaborar col desenvolvimientu humanu sostenible de la población de Benín país asitiáu n'África Occidental.

    Al traviés del nuesu trabayu pretenden oxetivos que van enfocaos a construyir una sociedá basada nos derechos humanos según definir la ONU nos sos documentos.

    Unu de los principales oxetivos ye promover la conocencia n'Asturies de la realidá de Benín y pallo consideramos que la sensibilización de la población ye primordial polo que programamos actividaes de diversa índole con esi fin.

    Esta esposición entraría dientro d'estes actividaes y surde como resultáu d'un viaxe realizáu por dos cooperantes pa supervisar tolos proyectos que se punxeron en marcha cola ayuda de subvenciones per parte de diverses instituciones y empreses que collaboren col nuesu trabayu: Conceyos d'Uviéu y Noreña, Cajastur, Alimerka, ente otros.

    Al traviés de la esposición pretende dase a conocer el trabayu que venimos realizando nesti pequenu país d'África, según averar y sensibilizar a la xente escontra'l contestu de Benín. Pa ello espondrán fotografíes que van tratar sobre'l contestu y los proyectos que se tán llevando a cabu y qu'entren principalmente dientro de les árees de Sanidá y Educación.

    Nel ámbitu de la educación, el Vicerrectorado de Internacionalización y Cooperación al Desenvolvimientu concedió una ayuda por que una profesora de la Universidá d'Uviéu, perteneciente al Departamentu de Filoloxía Anglogermánica y Francesa, pudiera movese a impartir un cursu de formación d'inglés a los alumnos del Proyectu Fomento de la Igualdá d'Oportunidaes nel Accesu a los estudios Universitarios de los y les Moces del mediu Rural del Norte de Benín. Esti cursu de formación entraría dientro de les actividaes programaes nel proyectu que foi subvencionáu pola Axencia Asturiana de Cooperación al Desenvolvimientu.

    Imaxes:


Buscar