Noticias

  • Abierta al públicu la esposición "Ente Molécules", nel Edificiu Históricu

    Del 25/03/2011 al 14/04/2011

    Forma parte de les actividaes del Añu Internacional de la Química y empresta especial atención a los mozos.

    El Vicerrectorado d'Investigación y la Facultá de Química de la Universidá d'Uviéu punxeron en marcha la esposición titulada "Ente Molécules", qu'abre güei les sos puertes nel Claustru Altu del Edificiu Históricu de la Universidá d'Uviéu y podrá visitase hasta'l próximu 14 d'abril.

    L'amuesa ufierta una visión amena, divulgativa y didáctica de la Química. Ta dirixida a tolos públicos, pero empresta especial atención a los mozos estudiantes. Los centros d'enseñanza van poder alcordar visites empuestes a la esposición y, amás, completar la xornada con un percorríu pol Edificiu Históricu. La duración de l'actividá completa va ser d'unes 2 hores y ta destinada a grupos d'hasta 30 persones.

    2011 ye l'Añu Internacional de la Química. El resolvimientu adoptáu al respective por Naciones Xuníes propón celebrar los llogros d'esa ciencia y destacar la so contribución a la Humanidá. La Universidá d'Uviéu, al traviés de la Facultá de Química y en collaboración cola Asociación de Químicos d'Asturies, ta preparando un programa d'actividaes que van ser coordinaes pola Oficina de Tresferencia de Resultancies d'Investigación (OTRI) del Vicerrectorado d'Investigación.

    Enllaces Rellacionaos:


Buscar