Noticias

  • El Campus del Milán rinde homenaxe a Cohen con una esposición y un recital de poesía

    19 de Ochobre 2011

    El Premiu Príncipe d'Asturies de les Lletres inaugura'l 20 d'ochobre, a les 12:30 hores, la esposición ‘Cohen: La cara B. Dibuxos y grabaos d'un artista multidisciplinar' na Facultá de Filosofía y Lletres

    Cartel de la esposición

    Reconocíu poeta, cantautor y novelista, Leonard Cohen ye un polifacéticu artista que dende fai 40 años realiza'l so particular rexistru de los llugares, les persones y les coses sobre'l llenzu y el papel. La Facultá de Filosofía y Lletres del Campus d'Humanidaes esibe estos díes una bona amuesa de la faceta d'artista visual del Premio Príncipe d'Asturies de les Lletres. El mesmu Cohen inaugura mañana, 20 d'ochobre, a les 12:30 hores la esposición ‘Leonard Cohen. La cara B. Dibuxos y grabaos d'un artista multidisciplinar'. L'amuesa va poder visitase hasta'l 13 de noviembre nel antepar del Aulariu A del campus del Milán.

    La Facultá de Filosofía y Lletres entornóse na organización d'esta esposición, unu de los actos centrales de la Selmana de los Premios Príncipe d'Asturies, en collaboración cola Fundación qu'apurre los galardones y el vicerrectorado d'Estensión Universitaria, Cultura y Deportes. Leonard Cohen va inaugurar l'amuesa de la so obra gráfica, va roblar nel Llibru d'Honor de la facultá y va afayar una placa conmemorativa del so pasu pol campus universitariu.

    La esposición inclúi una trentena d'obres, delles incluyíes nel llibru de poemes ya ilustraciones ‘Book of longin',sobre determinaos llugares y momentos na vida de Cohen. La inauguración de la esposición nel campus del Milán ye unu de los escasos actos públicos nos que va participar l'artista canadiense antes de recoyer el vienres, 21 d'ochobre, el Premiu Príncipe d'Asturies de les Lletres nel Teatru Campoamor d'Uviéu.

    Recital de poesía

    La esposición nun va ser l'únicu homenaxe a Leonard Cohen nel Milán. A les 11:00 hores el Salón d'Actos d'Humanidaes va acoyer el recital poéticu ‘Viaxar a palpu', con dos protagonistes de luxu; los poetes Niall Binns y Fernando Beltrán. L'actu ta entamáu pol Vicerrectorado d'Estensión Universitaria, Cultura y Deportes y la Fundación Aula de les Metáfores.

    Niall Binns, poeta y ensayista, profesor de Filoloxía na Universidá Complutense. Nacíu en Londres, de padres escoceses, en 1965, Niall Binns cursó estudios universitarios en Oxford, Santiago de Chile y Madrid, y vivió tamién en París y Coimbra. Ye autor, ente munches otres obres, de l'antoloxía Voluntarios con gafes. Escritores estranxeros na guerra civil (2009) y dirixió un proyectu d'investigación sobre l'impactu de la guerra civil española na vida intelectual de Hispanoamérica.

    Fernando Beltrán nació n'Uviéu (Asturies) en 1956. Amás de poeta, ye profesor del Institutu Européu de Diseñu y fundador del estudiu creativu El Nome de les Coses. La so obra obra poética completa foi recoyida na antoloxía «L'Home de la Cai» y apocayá publicó Onde naide me llama (2011). A el so iniciativa debe la creación de l'Aula de les Metáfores en Grau, una biblioteca especializada en poesía.


Buscar