Noticias

  • Espertos internacionales proponen la fusión de centros realizada pola Universidá d'Uviéu como exemplu de bones practiques

    11 de Ochobre 2011

    Encamienten procesos similares, enmarcaos na iniciativa Campus d'Excelencia, nel informe Estratexa Universidá 2015.

    La fusión de 15 escueles universitaries y facultaes en seis grandes centros, llevada a cabu pola Universidá d'Uviéu nel marcu del sellu Campus d'Excelencia Internacional (CEI), ye un exemplu a siguir. Tal ye l'encamientu que proponen los especialistes del informe de la Estratexa Universidá 2015. Un documentu que suxure víes de meyora y estratexes al llargu plazu pa les universidaes españoles.

    L'informe foi realizáu por una comisión internacional de cinco espertos, a pidimientu del Ministeriu d'Educación. Tres más d'un añu de trabayos, foi presentáu'l pasáu llunes pol titular d'Educación, Ángel Gabilondo. Ente los 25 encamientos concluyíos nel documentu, figura la conveniencia d'entamar fusiones estratéxiques d'universidaes y/o instituciones d'investigación, nel marcu de la iniciativa Campus d'Excelencia Internacional.

    Se exemplifica esi tipu de procesos col lleváu a cabu pola Universidá d'Uviéu. D'aquella reorganización surdieron la nueva Facultá d'Economía y Empresa, les escueles politécniques d'Inxeniería de Xixón y de Mieres y les facultaes de Formación del Profesoráu y Educación, Filosofía y Lletres, y Medicina y Ciencies de la Salú.

    Enllaces Rellacionaos:


Buscar