Títulos propios y formación continuada

  • Espertu d'Enfermería na Área Quirúrxica y Reanimación

    Datos xenerales

    Idiomes nos que s'imparte: Español

    Places: 21. Númberu mínimu d'alumnos esixíu: 21

    Número mínimo de alumnos exigido: 21

    Duración: 1 añu (20 creitos ECTS)

    Preciu: 1.150 €

    Requisitos d'accesu:

    Tar en posesión d'un Títulu Universitariu oficial. Sicasí, escepcionalmente, van poder ser almitíos profesionales directamente rellacionaos cola especialidá del cursu qu'escarezan de titulación, siempres qu'acrediten documentalmente esta profesionalidá y axunten los requisitos llegales pa cursar estudios na Universidá.

    Consulte l'Alcuerdu de 29 de noviembre de 2007, del Conseyu de Gobiernu de la Universidá d'Uviéu pol que s'aprueba'l reglamentu d'estudios conducentes a Títulos Propios y otros Cursos de Posgráu (BOPA, 12 de xineru de 2008).

    Plazu únicu de preinscripción y matrícula

    • Preinscripción: 2 de xunu a 20 d'agostu
    • Llistes provisionales: 7 de setiembre
    • Reclamación: 9 de setiembre
    • Llistes definitives: 12 de setiembre
    • Matricula: 15 al 19 de setiembre

    Requisitos de admisión: Diplomaos Universitarios n'Enfermería, teniendo en cuenta los siguientes criterios de selección: una plaza pa cada Área que tenga'l Serviciu y nun disponga de formación propia, restu de places pa la Área Sanitaria III.

    Modalidá: Presencial

    Horariu:

    • Teóricu: d'ochobre a avientu. De llunes a vienres de 16 a 20 h.
    • Teóricu Practico S/P
    • Prácticu: a partir de xineru de llunes a vienres de 8 a 14 H.

    Llugar de impartición: Hospital San Agustín

    Salíes profesionales

    Les salíes llaborales son diverses y abastecen los distintos ámbitos onde se desenvuelven les actividaes rellacionaes cola atención a la salú de les patoloxíes que precisen intervención quirúrxica. Como en toles facetes de la enfermería, pueden desenvolver trabayos en:

    L'ámbitu asistencial:

    Tantu nel ámbitu priváu como públicu, ye onde los profesionales de la Enfermería realicen l'atención enfermera y dexa l'aplicación de los cuidaos enfermeros necesarios pa una atención integral al paciente dientro de la Área quirúrxica y de reanimación según tolos cuidos perioperatorios Les instituciones onde puede desenvolvese el trabayu asistencial son:

    • Hospitales tantu públicos como privaos que tengan incluyida na so cartera de servicios l'atención quirúrxica de los pacientes
    • Centros sanitarios con patoloxía quirúrxica tantu en CMA como n'intervenciones con anestesia local

    L'ámbitu de la xestión:

    Los profesionales, con esperiencia y formación específica, pueden ocupar cargos de xestión.

    El posgráu n'Enfermería Quirúrxica tien como finalidá facilitar el desenvolvimientu profesional que dexe llograr el lideralgu na execución de les cures enfermeres específiques na área quirúrxica, considerando al paciente quirúrxicu'l centru de too el procesu peri operatoriu.

    Na área quirúrxica, la complexidá de les técniques utilizaes y la meyora tecnolóxica que se produz de manera constante, según los cambeos demográficos, l'aumentu na demanda de la población en criterios de salú y la contribución de la enfermería na cura de la salú dientro d'un ampliu equipu interdisciplinariu, fai necesaria una formación de posgráu que dexe l'alquisición de la competencia riquida pa esta área especializada.

    Puede realizase xestión nes siguientes demarcaciones:

    • Asistencial
    • Docente
    • Institucional: Ministeriu, Conseyería, Conceyos

    Plan d'estudios

    El VI Cursu d'Espertu Universitariu d'Enfermería na Área Quirúrxica y Reanimación impartir a lo llargo de dos semestres con un total de 20 creitos ECTS.

    MÓDULU TEORICO

    Un módulu teóricu basáu en 32 clases teóriques del trabayu d'Enfermería na Área Quirúrxica. Les clases van ser impartíes nes aules docentes del HCA :

    • Bloque Quirúrxicu: Aparatos qu'integren un quirófanu. Técniques de asepsia y antisepsia Vixilancia, prevención y control de la infección. Tresfusión nel paciente quirúrxicu. Preparación psicolóxica del paciente. Responsabilidá profesional dientro de la área quirúrxica.
    • Esterilización: Sistemes d'esterilización y procesáu de material
    • Anestesia y Reanimación: Anestesia xeneral, local, llocu-rexonal. Atención d'enfermería en reanimación.
    • Ciruxía xeneral: Ciruxía Mayor Ambulatoria, ciruxía de la mama, sutura mecánica y ciruxía Laparoscópica, ciruxía xeneral, sutures y recoyida d'amueses. Técniques quirúrxiques y dolor postoperatorio.
    • Especialidaes: Ciruxía plástica, vascular, máxilofacial, torácica, neurociruxía, dermatoloxía, uroloxía, oftalmoloxía, traumatoloxía, otorrinolaringoloxía, toco xinecoloxía y cuidos maternu-fetales.

    MÓDULU TEORICO- PRÁCTICU

    2. Basáu na realización de 7 talleres en grupos de 6 a 7 alumnos na Área Quirúrxica.

    MÓDULU PRÁCTICU

    3. Basáu en rotaciones nos distintos quirófanos y esterilización supervisaos polos profesionales d'enfermería de los servicios correspondientes.

    Contactu

    Coordinación :

    • José Siro Pérez Álvarez

      Email: jsperez@uniovi.es

      Despachu: Departamentu: Ciruxía y Especialidaes Médicu-Quirúrxiques

    • Elena García Peláez