Noticias

  • La Universidá d'Uviéu promueve el programa "Conviviendo y Compartiendo"

    15 de Avientu 2011

    Favorez la convivencia ente mayores y mozos estudiantes, brindando compañía y ayuda a unos, y vivienda a los otros.

    Al traviés d'Espaciu Solidariu, la Universidá d'Uviéu arreyóse nel programa "Conviviendo y Compartiendo". Una iniciativa financiada pola Conseyería de Bienestar Social y Vivienda del Principáu d'Asturies y la Fundación Caxa Rural, na que tamién collaboren Cáritas Diocesana y el Conceyu d'Uviéu.

    Ye un programa empobináu a dos colectivos: mozos movíos de la so casa pa cursar estudios y persones mayores de 65 años que vivan soles (tamién matrimonios). La mecánica consiste n'apurrir vivienda digna y gratuita a los mozos estudiantes con escasos recursos económicos, con dificultaes pa movese fora de la so localidá, de la que se pon remediu a situaciones de soledá de los mayores.

    Ye un proyectu d'acción social de calter intergeneracional que promueve la convivencia y l'ayuda mutua. La ONGD Psícólogos ensin Fronteres fai un siguimientu de les unidaes de convivencia formaes.

    Ente les condiciones básiques que tienen d'axuntar quien lo soliciten, los estudiantes tienen de tar matriculaos na Universidá d'Uviéu o un Ciclu Formativu de Grau Cimeru n'Asturies, nun tar domiciliados na localidá onde cursen esos estudios y nun tener un contratu de trabayu; les persones mayores han de tener 65 años, vivir solos, disponer d'una habitación independiente en condiciones fayadices y nun atopase en situación d'absoluta dependencia. Dambes partes tienen de algamar alcuerdos relativos a los distintos gastos de la estancia.

    Más información:
    Psicólogos ensin Fronteres ONGD
    Plaza Feijóo s/n. Facultá de Psicoloxía 33003-Uviéu (Asturies)
    Y-mail: conviviendouniovi.es
    eléfono: 985104176/985103251
    Fax: 985104144

    Enllaces Rellacionaos:


Buscar