Noticias

  • Actu d'entrega del I Premiu de Biomedicina Aplicada Valdés Sales nel Paraninfu de la Universidá d'Uviéu

    01 de Xunetu 2011

    El llunes 4 de xunetu, l'investigador Joan Gil y l'empresa ADVANCELL van recoyer el galardón en presencia del secretariu d'Estáu d'Investigación, Felipe Pétriz.

    El Paraninfu de la Universidá d'Uviéu va acoyer el llunes 4 de xunetu, a les 12:00 hores, l'actu d'entrega d'I Premiu de Biomedicina Aplicada Valdés Salas. Esti premiu tien como oxetivu reconocer les investigaciones realizaes n'universidaes o centros d'investigación públicos españoles que fueren utilizaes con ésitu por dalguna empresa nacional o internacional. La primer edición d'esti galardón premió al bioquímicu Joan Gil Santano y a la empresa farmacéutica ADVANCELL pol so trabayu sobre l'aplicación de la molécula Acadesina nel tratamientu de les leucemies y de los linfomes de célules B.

    Al actu d'entrega del premiu, presidíu pol rector de la Universidá d'Uviéu, Vicente Gotor, van allegar, amás de los galardonaos, l'investigador Joan Gil y la representante de ADVANCELL, Clara Campàs; la directora xeneral d'Universidaes del Principáu d'Asturies, Miriam Cueto; el secretariu d'Estáu d'Investigación, Felipe Pétriz; el catedráticu de Bioquímica y Bioloxía Molecular de la Universidá d'Uviéu y presidente del xuráu del premiu, Carlos López-Otín; y Francisco Rodríguez, representante de la Fundación Valdés Sales nel xuráu, según l'equipu rectoral. Tamién van asistir a esti actu representantes d'empreses que formen parte del Agregamientu del Campus d'Excelencia Internacional, según instituciones y centros d'investigación y miembros de la comunidá universitaria.

    Al respective de la dotación del premiu, l'investigador va recibir un diploma acreditativu, un troféu en bronce del escultor asturianu José Legazpi y un cheque de 15.000 euros. Pela so parte, la empresa va recibir un diploma acreditativu y un troféu en bronce del mesmu autor, José Legazpi.

    Tres la ceremonia d'entrega va ufiertar a los asistentes un vinu español.


Buscar