Noticias

  • El XIII Foru d'Empléu abre una nueva edición con 88 entidaes participantes y collaboradores

    06 de Mayu 2014

    El rector anima a los estudiantes a aprovechar esta oportunidá p'averase al mundu llaboral y conocer de cerca a les empreses

    La Universidá cunta con un stand nel Foru d'Empléu

    El XIII Foru d'Empléu de la Universidá d'Uviéu celebra una nueva edición nel Recintu Feria Luis Adaro de Xixón cola participación y collaboración de 88 instituciones y empreses. El foru, entamáu pola Fundación Universidá d'Uviéu (FUO), tien como oxetivu averar a los estudiantes y titulaos universitarios al mundu llaboral y sirvir como un primer contactu con empreses pa los estudiantes d'últimu cursu y los acabante titular. El rector, Vicente Gotor, presidió l'actu d'inauguración, acompañáu pol conseyeru d'Economía y Empléu del Principáu, Graciano Torre; el presidente del Conseyu Social de la Universidá d'Uviéu, Ladislao Azcona; el conceyal d'Empléu y Desenvolvimientu Económicu del Conceyu de Xixón, Fernando Couto; y el secretariu xeneral de FADE, Alberto González.

    El rector encamentó a los mozos a aprovechar esta oportunidá p'averase a la empresa. Destacó, amás, l'acercamientu ente'l texíu granible y l'Universidá d'Uviéu, especialmente nel marcu del Campus d'Excelencia Internacional. Pela so parte, el presidente del Conseyu Social de la Universidá abogó por facilitar salíes profesionales a la xente que tamos formando.

    El foru va caltener abiertes les sos puertes los díes 6 y 7 de mayu y l'accesu va ser llibre. El programa del alcuentru, que l'añu pasáu cuntó con más de 6.500 visitantes, inclúi presentaciones d'empreses de distintos sectores y meses redondes que van plantegar los principales retos y dificultaes en materia d'empléu xuvenil. Cabo destacar la mesa que se va celebrar tres la inauguración sol títulu Tu encaxes nel nuevu escenariu cola participación del presidente del Conseyu Social, Ladislao Azcona, el director xeneral de CSC España, Jesús Daniel Salas, y el presidente de FADE, Pedro Luis Fernández. L'alderique va ser moderáu pol director xerente del Sepepa, José Luis Álvarez.

    El Foru d'Empléu de la Universidá d'Uviéu constitúi un referente nel ámbitu de la empleabilidá, ufiertando información sobre la ufierta d'empléu esistente pa persones con titulación universitaria, según sobre aquellos recursos útiles pa la busca d'empléu.


Buscar