Noticias

  • Creación de la Comisión de Normalización Llingüística del Asturianu

    25 de Marzu 2011

    Va Asesorar al rector en materia d'usu y promoción de la llingua asturiana na Universidá d'Uviéu.

    Al envís de dar calce a les previsiones conteníes nel artículu 6 de los Estatutos, en relación cola protección y usu de la llingua asturiana, el Rector de la Universidá d'Uviéu promueve la constitución d'una Comisión de Normalización Llingüística, que-y va asesorar nesta materia, y que va tar integrada por miembros de los distintos colectivos que formen la comunidá universitaria.

    Esta midida obedez a un compromisu firme contraíu pol Rectoráu, col que se pretende encauzar la demanda d'una parte de la comunidá universitaria, que la so finalidá ye impulsar actuaciones similares a les yá entamaes nos trés últimos años, ente les que s'atopen: la posibilidá de presentar escritos ante'l Rexistru de la Universidá en llingua asturiana; la incorporación del minor o la mención del asturianu nos nuevos graos de Filoloxía y Maxisteriu; l'usu d'esta llingua como preséu de comunicación institucional al traviés de la Web corporativa; o la traducción de determinaos testos al asturianu, ente los que s'inclúi la recién edición de los nuevos Estatutos de la Universidá.

    La Comisión va tar integrada por:

    • D. Vicente Gotor Santamaría. Rector de la Universidá
    • D. Víctor G. García García. Vicerrector d'Informática y Comunicaciones
    • D. David Melendi Palacio. Director d'Área Aplicaciones de xestión
    • Dª Ana María Cano González. Profesora Dpto. Filoloxía Clásica y Románica
    • D. Ramón D´Andrés Díaz. Profesor Dpto. Filoloxía Española
    • D. Inaciu Galán y González. Estudiante
    • D. Javier Cubero de Vicente. Estudiante
    • D. Santiago Fano Méndez. Estudiante

Buscar