Noticias

  • El programa a-dUO va reconocer la collaboración d'alumnos españoles pa les sos movilidaes internacionales

    14 de Setiembre 2012

    La collaboración nesti programa trai puntuación extra nos baremos de selección al optar a una ayuda del Programa Erasmus o a una beca de convenios de cooperación pal cursu siguiente

    Estudiantes internacionales nel Campus del Milán.

    Los estudiantes españoles de la Universidá d'Uviéu tienen la oportunidá d'ameyorar los sos baremos pa la convocatoria del cursu que vien de les ayudes Erasmus y les beques de convenios de cooperación, per mediu del programa a-dUO. Ye una de les ventayes de participar nesta iniciativa, que consiste en poner en contactu a un estudiante estranxeru con un estudiante español, preferiblemente del so mesmu campus, de cuenta que se facilite la integración d'aquel na vida universitaria.

    La esperiencia ye altamente enriquecedora, porque dexa trabar amistá con persones somorguiaes en puntos de vista d'otres sociedaes, según la práctica d'otres llingües. Pal estudiante foranu, tratase d'una ayuda importante que-y va faer más fácil empobinase nes ciudaes, atopar agospiamientu, utilizar el tresporte públicu y, a última hora, afaese a Asturies.

    Na páxina web que'l so enllaz figura de siguío pueden conocese más detalles d'esti programa y aportar al formulariu d'inscripción.

    Enllaces Rellacionaos:


Buscar