Noticias

  • El profesor Juan Vázquez va presidir el Conseyu Asesor de la ANECA

    11 de Mayu 2011

    Esti órganu encárgase de caltener la relación con axencies nacionales, europees ya internacionales d'evaluación de la calidá universitaria.

    Juan Vázquez
    El catedráticu d'Economía Aplicada de la Universidá d'Uviéu Juan Vázquez foi nomáu presidente del Conseyu Asesor de la ANECA (Axencia Nacional d'Evaluación de la Calidá y Acreditación), a propuesta del ministru d'Educación, Ángel Gabilondo.

    L'Axencia Nacional d'Evaluación de la Calidá y Acreditación (ANECA) ye una fundación estatal que tien como oxetivu contribuyir a la meyora de la calidá del sistema d'educación cimera por aciu la evaluación, certificación y acreditación d'enseñances, profesoráu ya instituciones.

    El Conseyu Asesor que va pasar a presidir Juan Vázquez –rector de la Universidá d'Uviéu ente 2000 y 2008 y presidente de la Conferencia de Rectores de les Universidaes Españoles (CRUE) ente 2003 y 2007-- ta formáu por 15 personalidaes nacionales y estranxeres de reconocíu prestíu del ámbitu académicu y social. Ente les sos funciones figuren les d'informar sobre los procedimientos, actuaciones y funcionamientu de la ANECA, informar sobre la metodoloxía y procedimientos pa la evaluación y acreditación, enriar les propuestes que nesi ámbitu realicen les universidaes ya instituciones públiques y privaes y caltener la relación con axencies nacionales, europees ya internacionales d'evaluación de la calidá universitaria.


Buscar