Noticias

  • El plazu pa inscribise nos cursos cero de graos billingües remata'l 27 d'agostu

    03 de Agostu 2011

    Van Impartir esti programa la Escuela d'Inxeniería Informática, la Escuela Politécnica d'Inxeniería de Xixón, la Facultá de Comerciu, Turismu y Ciencies Sociales Xovellanos, y la Facultá d'Economía y Empresa.

    La Universidá d'Uviéu dispunxo un programa de cursos preparatorios pal alumnáu que pretenda matriculase en dalgún de los itinerarios billingües qu'ufierta la institución pal cursu 2011-2012. Nómase "Curso Cero" y el so oxetivu ye que los estudiantes puedan siguir con aprovechamientu les clases impartíes en llingua inglesa na titulación billingüe.

    La inscripción faise na mesma matrícula web y por aciu la cumplimentación del caxellu al efeuto nel impresu de solicitú del itinerariu billingüe. El plazu d'inscripción al Curso Cero (matrícula web y entrega del modelu de solicitú) remata'l próximu 27 d'agostu.

    Estos cursos van encetar conteníos léxicu-semánticos, sintácticos, pragmáticos y fonolóxicos correspondientes al nivel B1.2 del MCERL. En cada casu, va faese especial fincapié na terminoloxía propia de les disciplines que depués se vaigan a cursar.

    Los centros nos que se van impartir estos cursos son la Escuela d'Inxeniería Informática (Uviéu), la Escuela Politécnica d'Inxeniería de Xixón, la Facultá de Comerciu, Turismu y Ciencies Sociales Xovellanos, y la Facultá d'Economía y Empresa. Toos ellos van empezar el próximu 1 de setiembre, pa grupos d'un máximu de 25 alumnos y con una duración de 20 hores lectives.

    Enllaces Rellacionaos:


Buscar