Noticias

  • El Ministru Conseyeru de la Embaxada d'EEXX n'España fala sobre les relaciones hispanoamericanes n'El Milán

    26 de Setiembre 2012

    El segundu d'a bordu de la diplomacia americana nel nuesu país anunció la donación de la colección The Library of América a la Universidá

    Vicente Gotor estrecha la mano de Luis G. Moreno.

    El Ministru Conseyeru de la embaxada d'Estaos Xuníos n'España, Luis G. Moreno, ufiertó esta mañana una conferencia nel campus d'El Milán repasando dalgunos de los aspeutos clave que marcaron la hestoria y el futuru de les relaciones ente dambos países.

    El Rector, Vicente Gotor, dio la bienvenida al diplomáticu y estimó la donación que'l Gobiernu estadounidense va realizar a la Universidá d'Uviéu de la colección The Library of América, un compendiu d'obres consideraes como "la más significativa y destacada producción lliteraria norteamericana dende los sos empiezos hasta l'actualidá"

    Moreno amosóse "bien emocionáu" d'atopase n'Asturies, yá que cunta con raigaños na rexón. El diplomáticu repasó dalgunos de los venceyos más importantes ente Estaos Xuníos y España y respondió a les entrugues sobre actualidá qu'alumnos y profesores realizáron-y nel salón d'actos de la Biblioteca d'Humanidaes.

    Luis G. Moreno tuvo acompañáu mientres la conferencia pola directora de la Oficina de Internacionalización, Leticia Santos; la decana de la Facultá de Filosofía y Lletres, Cristina Valdés; y la profesora del Departamentu d'Estudios Angloamericanos, Esther Álvarez, quien introducieron la conferencia y estimaron la presencia del diplomáticu nel campus uvieín.

    Imaxes:


Buscar