Noticias

  • El Foru d'Universidaes va escoyer n'Uviéu al so nuevu coordinador

    15 de Febreru 2012

    La xunta se celebrará'l próximu vienres, ya inclúi el cursu "Introducción a la Xestión de la Innovación basada nel Marcu de Referencia d'Innovación".

    El Foru d'Universidaes del Club d'Excelencia en Xestión axuntase'l vienres, 17 de febreru, n'Uviéu, cola elección de nuevu coordinador como unu de los puntos más relevantes del alcuentru. La inauguración d'esta sesión, que va tener llugar na Aula Magna del Edificiu Históricu, va correr a cargu del rector, Vicente Gotor, acompañáu del vicerrector de Profesoráu, Departamentos y Centros, Julio Antonio González. Al pie de ellos, van tar Ignacio Ruiz, director de Desenvolvimientu del Club d'Excelencia en Xestión, y José Luis Martínez, actual coordinador del Foru.

    A lo llargo de la sesión van dar a conocer esperiencies concretes en xestión calidable; van presentase'l Grupu de Trabayu de Acreditaciones Internacionales y el Plan Estratéxicu 2012 pa les Universidaes; antes de la elección del nuevu coordinador, va presentase tamién l'Informe de resultancies del plan de 2011.

    Como prolegómeno a la xunta, y con calter gratuitu pa los miembros del Foru, va desenvolvese'l xueves, 16 de febreru, el cursu "Introducción a la Xestión de la Innovación basada nel Marcu de Referencia d'Innovación", que va impartir l'inxenieru Técnicu de Telecomunicación pola Universidá de Les Palmes, Manuel del Castillo Barrios.

    El Foru d'Universidaes axunta a representantes de les Universidaes Socies del Club Excelencia en Xestión, col oxetivu principal d'intercambiar esperiencies sobre cómo ameyorar la so xestión, pa lo cuál axuntense dos vegaes al añu.

    Enllaces Rellacionaos:


Buscar