Noticias

  • El Conseyu Social de la Universidá aprueba la reforma de la normativa de permanencia y les cuentes de 2013

    30 de Mayu 2014

    El cambéu de l'actual normativa flexibiliza les condiciones y establez que nun van correr les convocatories a les que l'alumnu nun se presente en primer matrícula

    El Conseyu Social de la Universidá d'Uviéu dio'l vistu bonu a la propuesta de reforma de la Normativa de Progresu y Permanencia nos estudios de grau y máster universitariu, y a les cuentes de 2013, ente otros asuntos. El plenu alcordó flexibilizar l'actual réxime de permanencia na Universidá por que nun cuerren les convocatories a les que l'alumnu nun se presente, pero solu na primer matrícula.

    Esti cambéu supon una meyora en beneficiu de los estudiantes, una y bones l'actual normativa, aprobada en 2010 y a valir dende'l cursu 2011-2012, consideraba escosada la convocatoria d'evaluación inclusive cuando l'estudiante nun allegaba a los exames. El Conseyu de Gobiernu de la Universidá aprobó'l pasáu mes de marzu la propuesta de cambeos a esa normativa.

    El Conseyu Social aprobó tamién la Cuenta Xeneral de la Universidá correspondiente al exerciciu 2013 y l'informe financieru y d'execución presupuestaria de la Universidá correspondiente al primer trimestre de 2014. Amás, l'órganu universitariu autorizó l'arrendamientu de locales nel Edificiu de Servicios Científicu-Técnicos del Campus Universitariu de Xixón, al Centru Municipal d'Empreses del Conceyu de Xixón, pal establecimientu d'un viveru d'empreses tecnolóxiques.


Buscar