Noticias

  • El Conseyu de Gobiernu de la Universidá d'Uviéu aprueba la conversión de la FUO en mediu propiu de la Universidá

    17 de Ochobre 2013

    La Fundación Universidá d'Uviéu afai'l so réxime xurídicu a la normativa vixente en materia de contratos del sector públicu

    El Conseyu de Gobiernu de la Universidá d'Uviéu aprobó na so xunta de güei la conversión de la Fundación de la Universidá d'Uviéu (FUO) en mediu propiu de la Universidá, amontando'l porcentaxe d'ésta nel Patronatu de la FUO hasta'l 51 per cientu de los derechos de votu. La conversión respuende a l'adecuación técnica de la situación de la FUO y de les sos relaciones cola Universidá d'Uviéu al vixente réxime xurídicu. 

    Pal rector de la Universidá d'Uviéu, Vicente Gotor, quien preside'l patronatu de la FUO, l'aprobación de la conversión de la FUO en mediu propiu de la Universidá demuestra "la decidida voluntá de la Universidá y de la so Fundación de cumplir les sos respectives misiones d'interés xeneral nel marcu de la plena adaptación, tantu a la normativa xurídica actual, como al so compromisu cola rindición de cuentes a la sociedá".

    La FUO súmase asina al grupu de destacaes fundaciones universitaries españoles que se tresformaron yá en mediu propiu de les sos respectives universidaes, como ye'l casu de la Fundación Xeneral de la Universidá Autónoma de Madrid, la Fundación Xeneral de la Universidá Politécnica de Madrid, la Fundación Xeneral de la Universidá d'Alicante, la Fundación Universidá de Granada Empresa o la Fundación Canaria Xeneral de la Universidá de la Llaguna.

    Per otru llau, el Conseyu de Gobiernu de la Universidá d'Uviéu aprobó'l restu de los puntos conteníos nel orde del día de la xunta.


Buscar