Noticias

  • El Conseyu de Gobiernu aprueba la implantación del doble grau n'Inxeniería Civil ya Inxeniería de Mines y Recursos Mineros y Enerxéticos

    13 de Febreru 2014

    L'órganu universitariu dio lluz verde amás al calendariu académicu del próximu cursu 2014-2015 y al cambéu del Reglamentu de Profesores Eméritos

    Paz Suárez Rendueles, Vicente Gotor y Santiago Álvarez mientres la so comparecencia ante los medios pa informar de los alcuerdos del Conseyu de Gobiernu.

    El Conseyu de Gobiernu de la Universidá d'Uviéu aprobó na so xunta ordinaria d'esta mañana la implantación del doble grau n'Inxeniería Civil ya Inxeniería de Mines y Recursos Mineros y Enerxéticos. La nueva titulación va empezar a impartise'l próximu cursu nel Campus de Mieres. L'órganu universitariu tamién dio lluz verde a la propuesta de calendariu académicu pal cursu 2014-2015. 

    Nel orde del día de la sesión tamién s'aldericó y aprobó el cambéu del Reglamentu de Profesores Eméritos de la Universidá pa regular la figura del Profesor Honoríficu y reordenar les retribuciones de el profesores eméritos.

    Ente otros asuntos, el Conseyu de Gobiernu tamién aprobó'l Reglamentu del Comité Ética, el Reglamentu internu del Coru Universitariu o'l cambéu de denominación oficial de la Escuela Universitaria de Maxisteriu Padre Enrique de Ossó.


Buscar