Noticias

  • El Certame de Minerales, Xemes y Fósiles de la Escuela de Mines entama un concursu de bateo d'oru

    28 de Febreru 2011

    Ente los díes 4 y 6 de marzu, van desenvolver tamién visites pa escolares y esposiciones n'Uviéu.

    Cartelu anunciador del certame.
    La Escuela de Mines de la Universidá d'Uviéu preparase pa una intensa fin de selmana con el XXII Certame de Minerales, Xemes y Fósiles que va ufiertar esposiciones, visites empuestes y hasta un concursu de bateo d'oru.

    El núcleu central del certame van ser les colecciones que van presentar los distintos espositores: amueses de minerales provenientes de les más diverses rexones del mundu. Los amantes del coleicionismu van poder inclusive adquirir delles d'eses pieces. Esa actividá principal va desenvolvese mientres los trés díes de duración del certame, de 10 a 14 hores y de 17 a 21.

    Coles mesmes, previa solicitú, van poder realizase visites de grupos escolares a la esposición, a dalgún dellos llaboratorios de la Escuela rellacionaos coles árees que trabayen con recursos naturales. Va Haber tamién una esposición de maquetes d'instalaciones de xeneración d'enerxíes anovables. Tamién podrán realizase visites empuestes al Centru Européu de Xemoloxía y Xoyería, onde se formen los xemólogos y diseñadores de xoyes.

    El día 5 va realizase un taller de iniciación al bateo d'oru, abiertu a tol mundu, que va sirvir como preparación al concursu que se va celebrar al otru día. Na mañana del domingu desenvolveránse les fases de clasificación, ente les 11 y les 14 hores. Pela tarde, van llegar les fases finales, de 17 a 19 hores. La inscripción pal concursu puede realizase per teléfonu (985 104 255), per carta o personalmente, na mesma Escuela (C/Independencia, 13, Uviéu). Toles esposiciones y actividaes citaes tienen calter grautito.

    Imaxes:

    Enllaces Rellacionaos:


Buscar