Noticias

  • El Centru Internacional de Posgráu abre'l plazu de preinscripción pa cursar un máster universitariu

    27 de Marzu 2014

    Los estudiantes comenenciudos tendrán de formalizar la so solicitú ente'l 26 de marzu y el 1 d'abril y van poder preinscribirse hasta en trés programes distintos

    Alumnos de máster na Universidá d'Uviéu.

    El Centru Internacional de Posgráu abrió'l plazu de preinscripción pa quien deseyen cursar un máster universitariu'l próximu cursu. Los comenenciudos van tener que formalizar les sos solicitúes ente'l 26 de marzu y el 1 d'abril y van poder preinscribirse hasta en trés programes distintos. 

    Una vegada completada la preinscripción, los estudiantes tendrán de acutar la plaza nel programa qu'escueyan. El plazu establecíu pa la reserva de places va del 30 d'abril al 2 de mayu. Al formalizar la so reserva on line, los estudiantes almitíos tendrán d'abonar un anticipu del preciu final de la matrícula, qu'en nengún casu se reembolsará nin va treslladar a otros cursos académicos. Finalmente, los estudiantes van tener que formalizar la so matrícula pal próximu cursu ente'l 25 d'agostu y el 9 de setiembre.

    Estos plazos son válidos pa tolos másteres universitarios ufiertaos pol CIP sacante'l Máster Universitariu de Formación del Profesoráu d'Educación Secundaria Obligatoria, Bachilleratu y Formación Profesional y los Másteres Erasmus Mundus, que tienen plazos específicos de preinscripción.


Buscar